Politica de confidencialitat

Lo Congrès Permanent de la lenga occitana
N° SIRET 513 622 639 00021 - Còdi APE : 7220Z

Ciutat - Creem
5-7 rue de la Fontaine
64000 Pau

La politica de confidencialitat çai-jós pertòca sonque las utilizacions de Revirada per l’interfàcia revirada.eu o l’aplicacion pels telefonets. Per l’API, vos pregam d’anar veire lo capítol seguent : « Donadas tractadas en cas d’utilizacion de l’API ».

Revirada se pòt utilizar sens inscripcion. Cap de donada personala es pas recaptada pel Congrès quand utilizatz son traductor automatic a travèrs l'interfaci web (revirada.eu) o l'aplicacionpels telefonets. Las solas donadas collectadas per Revirada o son dins un objectiu estatistic, e son anonimizadas.

Per cada utilizacion de Revirada, enregistram :

• L’otís utilizat (traduccion pel formulari, traduccion de document, traduccion d’URL).
• La data e l’ora.
• La lenga font.
• La lenga cibla.
• La longor del tèxte a revirar (en nombre de mots).
• S’es una traduccion d’URL : l’URL a revirar.
• S’es una traduccion de document : l’extension del fichièr a revirar.
• S’es una traduccion pel formulari o l’aplicacion pels telefonets : lo tèxte a revirar.

Lo Congrès registra los tèxtes someses a la traduccion dins sa basa de donadas. Aqueles tèxtes servisson a alimentar los còrpus que nos permeton de bastir nòstres otisses (traductors automatics, sintèsi e reconeissença vocala, correctors ortografics, clavièrs predictius…). Son utilizats per produire d’estatisticas sus la lenga (frequéncia d’un mot, co-ocurréncias, etc.). Aquelas estatisticas permeton de prepausar al public d’otisses de melhora qualitat, çò mai pròches possible de la lenga emplegada pels locutors.

Los tèxtes son pas transmeses a de tèrces, levat los prestataris que realizan los otisses del Congrès dins l’encastre de lor bastison, e que son obligats de seguir las meteissas règlas de confidencialitat que Lo Congrès el-meteis.

Se voletz que de tèxtes qu’avètz someses al traductor sián esfaçats de nòstras basas de donadas, basta de ne nos far la demanda a en indicant la data e l’ora de la traduccion, atal coma lo tèxte que volètz que siá esfaçat.

Las autras donadas (fòra los tèxtes a revirar) demòran la proprietat del Congrès e son pas transmesas a de tèrces.

Per utilizar l’API, fa mestièr una clau d'API per la quala una inscripcion es necessària.

Las donadas tractadas per l’inscripcion son :

• Adreça corric.
• Nom e prenom.
• Clau API.

Lo corric servís a contactar l’utilizator per de rasons tecnicas : problèmas tecnics, cambiament dins las condicions d’utilizacion, utilizacion abusiva de l’API per l’utilizator...

Demorarà la proprietat del Congrès e serà pas transmés a de tèrces.

Las donadas tractadas per cada utilizacion de l’API son :

• La data e l’ora.
• La lenga font.
• La lenga cibla.
• La longor del tèxte a revirar (en nombre de mots).
• Lo tèxte a revirar.
• La clau API.

Lo Congrès registra los tèxtes someses a la traduccion dins sa basa de donadas. Aqueles tèxtes servisson a alimentar los còrpus que nos permeton de bastir nòstres otisses (traductors automatics, sintèsi e reconeissença vocala, correctors ortografics, clavièrs predictius…). Son utilizats per produire d’estatisticas sus la lenga (frequéncia d’un mot, co-ocurréncias, etc.). Aquelas estatisticas permeton de prepausar al public d’otisses de melhora qualitat, çò mai pròches possible de la lenga emplegada pels locutors.

Son migrats regularament aqueles tèxtes dins una novèla basa de donadas, ont son desseparats de la clau API qu’i es associada per èstre anonimizats.

Los tèxtes son pas transmeses a de tèrces, levat los prestataris que realizan los otisses del Congrès dins l’encastre de lor bastison, e que son obligats de seguir las meteissas règlas de confidencialitat que Lo Congrès el-meteis. Aqueles prestataris potencials an pas accès a la clau API, a l’adreça corric o al nom e prenom correspondent a cada tèxte.

Se voletz que de tèxtes qu’avètz someses al traductor sián esfaçats de nòstras basas de donadas, basta de ne nos far la demanda a en indicant la data e l’ora de la traduccion, vòstra clau API, atal coma los tèxtes que volètz que sián esfaçats.

Las autras donadas (fòra los tèxtes a revirar) demòran la proprietat del Congrès e son pas transmesas a de tèrces.

L’adreça corric, lo nom e lo prenom an per sorsa las informacions donadas per l’utilizator al moment de demandar una clau API.

Las autras donadas an per sorsa los apèls faits a las foncionalitats de Revirada per l’utilizator.

Aquelas donadas son amassadas sus la basa legala del consentiment coma definit pel RGPD.

Se pòt accedir e obtenir una còpia de las donadas que vos pertòcan, vos opausar al tractament d'aquelas donadas, las far rectificar o esfaçar. Avètz tanben un dreit de limitacion cap al tractament de vòstras donadas.

➝ compréner vòstres dreits

Per tota autra reclamacion, contactatz-nos a l’adreça .

Se estimatz, après nos aver contactats, que vòstres dreits rapòrt a vòstras donadas son pas respectats, podètz far una denóncia a la CNIL.

➝ far una denóncia

Los soles cookies utilizats per la plataforma Revirada son de cookies tecnics, que permeton a l’utilizator de navigar dins lo site e de profitar de las opcions o servicis qu’i son disponibles.